22.10.2012, 13:08 Вториот човек на Ал Каеда на аудио снимка тврди дека е жив
На интернет се појави наводна аудио снимка на вториот човек на терористичката организација Ал Каеда во Јемен, на која тој го демантира тврдењето на Владата дека е убиен минатиот месец во напад на американско беспилотно летало.
Во пораката човекот, кој тврди дека е Саед ал Шири, роден во Саудиска Арабија, истакнува дека информацијата за неговата смрт „е гласина чија цел е да се забошоти убивањето на невините муслимански цивили“.
Автентичноста на снимката не може веднаш да биде потврдена.
Јеменски официјални претставници истакнаа дека Шири и уште десет други лица, кои патувале со него, се убиени во септември во напад на нивното возило.
|
