06.03.2012, 13:34 Леванте се врати на четвртото место во Примера
Малиот клуб од Валенсија пред своите навивачи го совлада Бетис со 3:1
Со победата во синоќешниот натпревар од 26.коло екипата на Леванте се врати на четвртото место на табелата во Шпанското фудбалско првенство. Леванте пред своите навивачи го победи Бетис со 3:1 и освои нови три бодови.
Домашната екипа поведе со голот на Хозе Бакеро во 34.минута, а на 2:0 во 42.минута зголеми Чави Торес. Во финишот на првиот дел (44 минута) Бетис преку Жорге Молина намали на 2:1. Домаќините победата ја потврдија во 51.минута со голот на Аруна Коне.
Леванте со 38 бодови е на четвртата позиција, зад Реал Мадрид 67 бодови, Барселона 57 и Валенсија 43. Зад Леванте се наоѓаат Малага и Атлетик Билбао кои имаат по 37.
Бетис со 30 бодови остана на 12.место на табелата.
|
