06.03.2012, 20:18 Нов пораз на Торус во регионалната БИБЛ лига
Нашиот претставник попладнево пред својата публика е поразен од водечкиот тим во групата „А“ израелскиот претставник Галил Гилбоа со 70:86
Кошаркарите на Торус СЦБТ го претрпеа и осмиот пораз во регионалната БИБЛ лигата.
Торус СЦБТ попладнево пред својата публика е поразен од водечкиот тим во групата „А“ израелскиот претставник Галил Гилбоа со 70:86 (по четвртини 14:18, 16:29, 22:30 и 18:9 ).
Со само две победи и осум порази, екипата на Торус СЦБТ, ќе го заврши дебитантскиот настап во БИБЛ лигата како пертпоследно пласиран во својата група.
Во рамките од оваа група денеска се одиграа и преостанатите два натпреври: Рилски Спортист – ОКК Београд 87:70 и Темишвар – Морнар 88:73.
Табела: Галил Гилбоа 17 бодови (9 одиграни натпревар), Рилски Спортист 16 (10), Морнар 16 (10), Темишвар 15 (10), Торус СЦБТ 12 (10) и ОКК Београд 11 (9).
Вториот македонски претставник, воедно и актуелниот Балкански шампион, Фени Индустри утре во Кавадарци го пречекува првопласираниот тим во „Б“ групата, Левски од Софија. Натпреварот во салата „Јасмин“ ќе започне од 18 часот.
Во вториот натпревар од оваа група се игра во Тел Авив каде Хапоел го пречекува босанскиот претставник Зрињски.
Табела: Левски 16 бодови (8 одиграни натпревар), Хапоел ТА 14 (8), Напредак 13 (9), Фени Индустри 12 (8), Зрињски 9 (8) и Улцињ 8 (7).
|
