Признанија за ученици од „Јахја Кемал“

Министерството за образование и наука додели признанија на ученици од приватното средно училиште „Јахја Кемал“ кои постигнале успеси на меѓународни натпревари. Со признанија се закитија оние што учествувале на натпревари од областа на енергијата, инженерство, животната средина и информатиката. Министерот за образование и наука, Перо Стојановски, им додели признанија во знак на благодарност за постигнатите резултати и промовирањето на Република Македонија на меѓународни натпревари во исклучително битни области на општественото живеење. (Сн.К.)