22.03.2012, 13:54 Пролетно чистење на Градски парк
По повод Денот на пролетта, градските екипи организираа акција за чистење и уредување на вториот дел од Градски парк. Работниците на „Паркови и зеленило“ ги кроеја и обликуваа грмушките, со гребла ги чистеа од отпадоци, суви гранки, листови и камења, ги потготвуваа за косење тревниците, а ги исчистија и рабниците околу патеките. Притоа ги кроеја и крошните на дрвјата, а ги остстрануваа и старите, заболени и исушени гранки. Собраниот отпад и шут од тревниците со камиони ќе се транспортира во депонија, а сувите гранки во кругот на претпријатието.
Стотина вработени во ЈП „Комунална хигиена“ учествуваа во пролетното чистење на плоштадот „Македонија“, на кејот, Старата чаршија и улицата „Самоилова“, од каде собраа 15 кубни метри отпадоци и смет. (Б.Ш.)
|
