Теодорос Пангалос: Кој сака нека биде Александар Велики!



Кога некој од Шангај се вика Леонидас, може и некој во Скопје да се именува Александар или Филипос, вели во интервју за „Утрински“ бившиот шеф на грчката дипломатија

„Мислам дека веќе е затворена дискусијата за името, која воопшто и не требаше да почне. Да си го олесниме животот, да најдеме одредница. Нека покаже храброст премиерот Груевски или кој било друг политички лидер кај вас, нека стави одредница, и да заврши прашањето. Кој сака, нека биде Александар Велики. Овде повремено има некои смешни луѓе во образованието или во културните кругови кои се облекуваат како ��нтички Грци, други кои се' уште веруваат во старите богови и им принесуваат жртви. Јас имам пријател од Кина кој се вика Леонидас. Кога некој од Шангај може да се вика Леонидас, може и некој во Скопје да става имиња Александар, Филипос. Мислам дека тоа не е прашање кое треба да не' интересира. Верувам дека јазикот и националниот идентитет се прашање на самоопределување и дека секој е тоа што е и мисли дека е. Не може некој да му каже на другиот дали е или не е. Да го решиме проблемот кој го создава името и да се стави крај на приказната“, вели за „Утрински весник“, поранешниот шеф на грчката дипломатија Теодорос Пангалос. (М.П.)

(Целото интервју во утрешното печатено и електронско издание на „Утрински“)