Чадиев ќе гради кошаркарски игралишта

Изградба на кошаркарски игралишта на плочките кај „Симпо“, односно кај Општината, вети кандидатот за градоначалник на Велес од ВМРО-ДПМНЕ, Славко Чадиев. На првата локација ќе биде изграден модерен спортски комплекс со четири игралишта. Проектот вреден 300.000 денари ќе опфати поставување нова подлога, обележување на терените, осветлување, поставување жичена ограда... Во игралиштата кај Општината ќе се инвестираат 150.000 денари. Средствата се обезбедени од буџетот на градот, а реализацијата на проектите е закажан за годинава.

Од ВМРО-ДПМНЕ потсетија дека изминатите години реализирале десетина проекти за подобрување на спортскиот живот во Велес. (П.Р.)