Саркози го изгуби мнозинството во Сенатот

Левицата во Франција освои апсолутно мнозинство на изборите за Горниот дом во францускиот парламент, Сенатот - првпат по 50 години.

Седум месеци пред претседателските избори во Франција, претседателот Никола Саркози претрпе тежок пораз. Опозиционите социјалисти и нивните сојузници за прв пат по 1958 година освоија мнозинство во Сенатот. Горниот дом на парламентот има ограничени надлежности, тој не носи закони, но може да ги пролонгира. Социјалистите велат дека ова е историска промена. За францускиот Сенат не гласаат граѓаните, туку комуналните претставници. Вчера околу 72 илјади електорати, меѓу кои и општински и пратеници во националното собрание, избираа половина од вкупно 348 сенатори.

Најголем број места во Сенатот досега имаше Унијата за народно движење на претседателот Никола Саркози. (Дојче веле)