Мурињо повторно ќе биде казнет од УЕФА?

Португалецот Жозе Мурињо против Ајакс го одработи последниот натпревар од казната заработена од УЕФА. Тој вчерашната победа против Ајакс од 3:0 ја проследи од трибините, но контактираше со своите помошници кои беа на клупата.

Според шпанските медиуми, Мурињо своите инструкции му ги соопштувал на еден од своите помошници, Руи Фариа, а тој преку таблет информациите му ги пренесувал на асистентот Аитор Каранка.

УЕФА ќе ги разгледа постапките на Мурињо и можно е тој да заработи нова казна за уште два натпревари.

За потсетување, менаџерот на Арсенал, Арсен Венгер доби суспензија од два меча затоа што и покрај забраната, на натпреварот против Удинезе контактираше со своите помошници.