24.09.2011, 18:37 Бекам „загина“, па одигра меч за Галакси
Социјалните мрежи беа преплавени од информација дека Дејвид Бекам загинал, но неколку часа подоцна тој одигра натпревар за својот тим ЛА Галакси.
„Дејвид Бекам загина во автомобилска несреќа на автопат во Калифорнија“ гласеше информацијата која со огромна брзина се пренесе на социјалните мрежи. Веста за смртта на Бекам ја пренесоа и неколку медиуми во САД.
Но, неколку часа подоцна, веста ја демантираше самиот Дејвид Бекам, појавувајќи се на теренот во Костарика каде неговиот тим ЛА Галакси одигра натпревар против локалниот клуб.
Подоцна се откри дека лажната информација било дело на хакери кои упаднале на вебстраната на една локална ТВ станица од Калифорнија.
|
