24.09.2011, 20:23 Пол-позицијата повторно за Фетел
Германецот Себастијан Фетел од Ред Бул на квалификацискиот тренинг за Големата награда на Сингапур ја оствари 11-та пол-позиција оваа сезона и вкупно 26-та во неговата кариера.
Тој оствари најдобро време и на патеката „Марина Беј“ во Сингапур и веќе утре, на пет трки пред крајот, има шанси да ја одбрани титулата.
Фетел беше побрз од тимскиот колега Марк Вебер, од третата позиција ќе тргне Џенсон Батон, а до него ќе биде неговиот колега Луис Хамилтон. Зад нив следаат Фернандо Алонсо и Фелипе Маса од Ферари.
Во генералниот пласман, Себастијан Фетел има предност од 112 поени пред Фернандо Алонсо.
|
