Загина фудбалерот кој се прослави на „Јутјуб“

Фудбалскиот репрезентативец на Обединетите Арапски Емирати (ОАЕ) Тејаб Авана (22) загина синоќа во сообраќајна несреќа додека се враќал од тренинг.
Младиот фудбалер неодамна доби голема популарност преку „Јутјуб“ кога на натпреварот против Либан изведе пенал со пета, постигна гол, но и толку многу го разлути селекторот Среќко Катанец што веднаш бил заменет.

Според локалните медиуми, Авана настрадал додека со својот 13-годишен брат се враќал од тренинг. Наводно разговарал на мобилен телефон и се судрил со камион.

Фудбалерот загинал на местото на несреќата, додека неговиот брат во тешка состојба е пренесен во болница, каде што се бори за живот.