Прв пораз на лидерот Бетис

По четири победи во серија, фудбалерите на Бетис беа поразени на гостувањето кај Гетафе, екипата која до пред ова коло немаше забележано победа во новата сезона.

Диего Кастро го постигна единствениот погодок на натпреварот во 31-та минута и му ја донесе првата победа на Гетафе, со што тимот повеќе не е на дното на табелата.

И покрај поразот, екипата на Бетис остана на врвот со 12 поени, еден повеќе од Барселона, Леванте и Севиља, а Реал Мадрид е петти со десет поени.