Докузовски: Нема повеќе да бидам селектор

Марин Докузовски, кој беше еден од архитектите на големиот успех на македонската кошаркарска репрезентација на Евробаскетот во Литванија, изјави дека веќе не планира да ја врши селекторската функција.

Тоа не е првпат тој да изјави такво нешто, со оглед на тоа дека Докузовски и пред ЕП имаше изјавено дека нема да го продолжи договорот со националниот тим.

„Јас дадов изјава и пред почетокот на европското првенство дека повеќе нема да бидам селектор, дека завршив. Не знам сега какво е мислењето на општата јавност, но ќе треба да поразговараме за таа функција, ама мислам дека ќе останам на тоа дека нема да бидам повеќе селектор“ - изјави стратегот во интервјуто за „Нетпрес“.

Во врска со неговата иднина, Докузовски се уште нема конкретен одговор покрај тој дека останува дел од Работнички, но не како главен тренер.

„Во овој момент јас сум слободен агент. Има многу менаџери со кои сум во контакт, но со никој не сум потпишал ништо, затоа што сум рекол дека кој ќе ми најде најдобра работа, со тој ќе потпишам. Во моментов ниту физички, ниту психички не сум спремен. Морам да ги средам впечатоците, затоа што исцрпен сум максимално“ - додаде Докузовск�� во разговорот за „Нетпрес“.