Леванте се израмни со Барса

Леванте го совлада Еспањол со 3:1 и се израмни со Барселона на втората позиција.

По двете ремија на стартот, Леванте врза серија од три победи и сега се наоѓа на делба на втората позиција заедно со Барселона и Севиља. Со два пенала и две исклучувања за Еспањол, Леванте славеше со 3:1. Суарез го откри резултатот во 14-та минута од пенал, а прецизен од белата точка беше и во 58-та минута по црвениот картон на Мас. Гостите не се предадоа и намалија со голот на Морено, но на девет минути пред крајот, по црвениот картон на Пандијани, Баркеро со нов гол ја завери победата на Леванте.

Реал Сосиедад прв поведe на гостувањето кај Мајорка преку Агириче во 15-та минута, но Каседесус израмни по само пет минути. На почетокот на вториот дел, Гонзало Кастро направи целосен пресврт и ги обезбеди трите поени за Мајорка.

На останатите дуели, Гранада и Осасуна одиграа 1:1, а натпреварите Спортинг Хихон - Расинг Сантандер и Сарагоса - Малага завршија без голови.

Водечката екипа во Примера Дивизија, Бетис вечерва од 21 часот е пред нов предизвик бидејќи во рамки на 6.коло гостува кај Хетафе. Без разлика на исходот Бетис ќе остане на првата позиција.

Резултати од 5. коло: Мајорка – Реал С��сиедад 2:1, Леванте – Еспањол 3:1, Гранада – Осасуна 1:1, Спортинг Хихон – Расинг Сантандер 0:0, Сарагоса – Малага 0:0, Севиља – Валенсија 1:0, Атлетик Билбао – Виљареал 1:1, Реал Мадрид – Рајо Ваљекано 6:2 и Барселона – Атлетико Мадрид 5:0.

Табела: Бетис 12 бодови, Барселона 11, Леванте 11, Севиља 11, Реал Мадрид 10, Валенсија 10, Малага 10,...