Подобри од Австрија на ЕП за мали земји

Синоќа во салата „Билјанини Извори“ македонските кошаркарки славеа минимална победа над Австрија со 41:39 со што го задржаа првото место во групата Б

Женската кошаркарска репрезентација на Македонија ја оствари и втората победа на Европскиот шампионат за мали земји кој се одржува во Охрид. Синоќа во салата „Билјанини Извори“ македонските кошаркарки славеа минимална победа над Австрија со 41:39 со што го задржаа првото место во групата „Б“ и се единствени кои имаат максимални 4 бодови.

Во првиот натпревар од оваа група селекцијата на Велс го совлада Гибралтар со 56:48.

На табелата води Македонија со 4 бодови, пред Австрија и Велс со по 3, односно Гибралтар 2 бода.

Денеска во рамките од третото и последно коло по групи, Македонија (21 часот) ќе игра со Велс. Втората двојка ја сочинуваат Австрија и Гибралтар.

Во групата „А“ во 2.коло беа постигнати следниве резултати: Азербејџан - Молдавија 63:44 и Малта - Шкотска 80:57. Табела: Малта 4 бодови, Шкотска и Азербејџан по 3 и Молдавија 2.

Денеска во оваа конкуренција играат Шкотска - Молдавија и Малта - Азербејџан.