Зголемен наградниот фонд на Ју-Ес опен

Организаторите на Ју-Ес опен, последниот Гренд слем тениски турнир во сезоната што ќе се одржи од 27 август до 9 септември, објавија дека го подигнуваат наградниот фонд за годинешното издание на рекордни 25,5 милиони долари што е за два милиона повеќе од минатата сезона.

Најдобрите во машка и женска конкуренција ќе добијат по 1,9 милиони долари што е зголемување за 11 отсто за разлика од лани. Износот сепак може да биде поголем од два два милиона во зависност од бонусите што им стојат на располагање на тенисерите и тенисерките на турнирите што се увертира на Ју-Ес опен.

Сметајќи ги и нив Белгијката Ким Клајстерс во 2010 година доби 2,2 милиона долари, Роже Федерер во 2007 година инкасира 2,4 милиона долари. Задоволни ќе бидат и тенисерките и тенисерките кои брзо ќе го завршат својот настап во Њујорк со оглед дека износите за елиминација во првото коло е зголемен за 21 отсто, а за пораз во второто коло за 10 отсто.