Првенец за Тричковски во вториот меч за Бриж

Две средби му беа потребни на Иван Тричковски за да го постигне првиот погодок за неговиот нов клуб Бриж. Неколку дена откако беше претставен во белгискиот тим (29 јуни), Тричковски беше стартер во два од трите пријателски меча на Бриж. Во првиот, против нисколигашот Кнок, Бриж победи со 8:0, а нашиот Тричко одигра 60 минути, а во вториот, против Тубизе, го постигна водечкиот погодок во 38. минута. Теренот го напушти во 53 мин., пред да бидат поставени конечните 3:0.

„Веќе го чувствувам клубот како мое семејство“, изјави Тричковски за официјалниот веб-сајт на Бриж.

На клупа остана на третата контролка со Кортрајк (2:1). (В.А.)