(ФОТО) МПМ добитник на награда за филантропија



Во име на вработените на Медиа Принт Македонија наградата ја прими Виктор Доневски, извршен директор во компанијата

Медиа Принт Македонија (МПМ) е добитник на престижната награда за развој на филантропски практики за медиум во организација на Центарот за институционален развој (ЦИРА).

Меѓу добитниците кои дале особен придонес на полето на филантропија и општествена одговорност се и Комерцијална Банка, Алкалоид Скопје, Тинекс, ОНЕ Телекомуникациски услуги и други, кои според овој центар покажале особен интерес и вложување во вредностите како солидарност, почит, етичност и хуманост.

Во име на вработените на МПМ наградата ја прими Виктор Доневски, извршен директор во компанијата, кој воедно изјави дека и во иднина ќе ја подржуваат филантропијата и ќе помагаат таму каде што е најпотребно, кај ранливите групи на граѓани.