Почнува 13. Егзит фестивал

Фестивалот се очекува да го посетат меѓу 150.000 и 200.000 лица од целиот свет

На Петроварадинската трврдина денеска почнува 13-от меѓународен музички фестивал „Егзит“.

Организаторите очекуваат дека во текот на тие четири дена бројните концерти на фестивалот ќе ги видат меѓу 150.000 и 200.000 посетители од целиот свет.

Според портпаролот на „Егзит“ Бојана Ковачевиќ, најголем број гости од странство пристигнуваат од Велика Британија и Холандија и од земјите од регионот, а она што е новина е големиот број гости од Бугарија, Полска и Русија.

Таа истакна дека до 15 јули, до кога трае фестивалот, на вкупно 22 бини, од кои е една во Егзит кампот Штранд, а 21 на Петроварадинската трврдина, ќе настапат над 400 изведувачи.

Капиите на „Егзит“ секој ден во текот на фестивалот ќе бидат отворени од 17 часот до три часот наутро, а најголемиот број на посетители, по традиција, ќе бидат сместени во Егзит кампот, односно „Егзит вилиџ“.