19.04.2013, 17:19 Без сообраќај кај кружниот тек на „Лазо Трповски“
Денеска и утре ќе се врши асфалтирање на новоформираниот кружен тек меѓу улиците „Лазо Трповски“ и „Втора македонска бригада“ поради што сообраќајот на оваа раскрсница ќе биде во целосен прекин. Автобусите од јавниот градски превоз на автобуската линија со број „9“ што
сообраќаат кон Топанско Поле ќе се движат преку улицата „Џон Кенеди“ и
„Лазо Трповски“ до супермаркетот „Принц“. Во обратна насока, кон
Центар, автобусите ќе се движат по улиците „Методија Митевски“, „Благоја Паровиќ“ и „Џон Кенеди“ и продолжуваат по својата траса.
Автобусите со број „18А“ ќе се движат по булеварите „Словенија“ и „Македонско-косовска бригада“, потоа по улицата „Џон Кенеди“ и продолжуваат по својата траса, додека автобусите со броевите „19“, „49“ и „81“ ќе сообраќаат по улицата „Босна и Херцеговина“, по крак од улицата „Дижонска“ и продолжуваат по својата траса по „Втора македонска бригада“. (С.Р.) |
