(ФОТО) Промовирано првото мени на Брајово писмо

Првото мени на Брајово писмо во Македонија беше промовирано денеска во ресторанот „Пелистер“. Целта е да се унапреди квалитетот на животот и правата на лицата со оштетен вид, а идејата е овој пример да го следат сите угостителски објекти во државата.

Менито отпечатено на азбуката за слепи лица го промовираат миистерот за труд и социјална политика Спиро Ристовски и претставници од Црвениот крст на Град Скопје и од училиштето за лица со оштетен вид „Димитар Влахов“.

Сузана Тунева од Црвениот крст на Град Скопје посочи дека дополнителен бенефит од ваков вид проекти е што придонесува и за ресоцијализација на лицата со оштетен вид во рамките на сите оние редовни активности што Црвениот крст ги спроведува.

Менито е печатено на Брајовиот печатар во Универзитетската библиотека „Кли��ент Охридски“ во Скопје, а насловните релјефни страници ги изработија децата од училиштето за лица со оштетен вид „Димитар Влахов“.