Продолжува победничката серија на МЗТ



Тимот од Јане Сандански синоќа го совлада Фени Индустри со убедливи 98:77 во 5. коло на Суперлигата

Пет победи по првите пет кола во Суперлига е билансот кој го остварија кошаркарите на МЗТ Скопје Аеродром и најавија одбрана на шампионската титула.

Тимот од „Јане Сандански“ синоќа со убедливи 98:77 го совлада Фени Индустри и со тоа остана на врвот на табелата како единствена екипа без пораз по првиот дел од Суперлигата. Во серија од три победи влезе и тимот на Кожув кој вечерва славеше во Сарај против Лирија со 87:83.

На третиот дуел од 5.коло, во Куманово истоимената домашна екипа ја забележа првата победа совладувајќи го „Работнички“ со 88:86. По оваа победа кумановци се ��раќаат во комбинација за освојување на едно од првите четири места и обезбедување пласман во плеј-офот.

Табела: МЗТ Скопје Аеродром 5-0 (победи-порази), Работнички 3-2, Кожув 3-2, Фени Индустри 2-3, Лирија 1-4 и Куманово 1-4 итн.