Момо Николовски

пејач

Иако сабота, сепак, претпладнево треба да завршам некои од портпаролските обврски во Општина Ѓорче Петров, кои не се стигнува да се завршат во текот на работната недела. Попладне патувам за Кичево, каде што вечер ќе настапувам на еден хуманитарен концерт.

Катина Иванова

актерка

Планирам ова да ми биде прекрасен и сончев ден, без оглед на временската прогноза. Имам гости од Америка, па најмногу од времето ќе го минувам со нив, а вечер одиме на концерт на Бебек, Тифа и Ален, наречен „Кад би био бијело дугме“.

Драган Ѓуровски - Роки

музичар

Викенд-шема, што за нас музичарите значи работа, работа и само работа. Претпладне, а тоа е некаде малку пред 12 ч., се наоѓаме со колегите од групата, да направиме една контролна проба, па вечер - свирка во еден скопски клуб.