Барометар за администрацијата

Владата со барометар ќе го оценува квалитетот на администрацијата. Целта на овој нов владини проект, кој се спроведува со логистика на ОБСЕ, е да се обезбеди брза, евтина и ефикасна услуга за граѓаните и за компаниите. Првите резултати од барометарот се очекуваат во првиот квартал од следната година.

„Ќе се мерат и оценуваат внатрешните фактори, но особено надворешните во поглед на испораката на услуги кон граѓаните. Со ова ќе се овозможи создавање конкурентност на институциите и ќе се поттикнат да ги спроведуваат дефинираните и планирани реформски процеси во Стратегијата за реформа на јавната администрација“, вели Александар Ѓорѓиев, портпарол на Владата.