Лице од насловната страница
Најубавата жена на светот
Актерката Кристина Хендрикс ја сакаат мажите, но и' се восхитува и понежниот пол
Бојан Шашевски Годинава американското машко списание „Есквајр“ реши да потпраша илјадници луѓе за да дознае која е, всушност, најубавата жена на светот. Сосема убедливо на крајот од гласањето на врвот се најде Кристина Хендрикс, бујната актерка од актуелната „Момците од Медисон“, драмска серија која собра повеќе ТВ-награди „Еми“. Црвенокосата зад себе ги остави Адријана Лима и Меган Фокс, немилосрдно привлекувајќи ги мажите, но и значителен број обожавателки.
Полу Британка, полу Американка, Хендрикс е родена во Ноксвил, Тенеси, но израсна во Твин Фолс, Ајдахо. Во училишните години почна да се интересира за актерството, па откако се запиша во јуниорска музичко-драмска компанија, професионалната кариера и' тргна со улогата во мјузиклот „Брилијантин“. По краток период ја забележаа телевизиските продуценти. Нуркаше низ епизодни улоги во серии како „Големи времиња“, „Судот“ наспроти Сели Филд, заземајќи победнички позиции во хитовите „И-Ар“ и „Барска мушичка“. Играше и во независни филмови, но улогата на менаџерка на рекламна агенција во „Момците на Медисон“ ги залепија гледачите пред ТВ-приемниците.
Сексапилната, таинствен��, духовита Хендрикс за медиумите изјави дека е прилично вешта во нагласувањето на сопствените атрибути, но и на сето она за што другите ќе и' се воодушевуваат. Таа од 2009 година е во брак со актерот Џефри Аренд. На прашањата како се чувствува како најсекси жена на светот, Хендрикс сосема смирено одговори: „Не треба жените да работат на својот изглед, треба решително да работат и да ги убедат луѓето околу себе дека се секси. Јас доволно работев. Иако сум русокоса, уште на десет години ја зацрвенив косата. Во ресторан секогаш нарачувам виски и им одолевам на машките погледи. Иронично или не, мажите што константно се загледуваат во женските гради се оние на кои сме алергични. Никогаш не ме привлекувале такви мажи“, рече актерката.
Енормните гради, младешкиот изглед и преубавото тело и' донесоа понуди и за голем број идни високобуџетни филмски остварувања. Останува да видиме колку 35-годишната Кристина Хендрикс ќе успее да се справи со озлогласената холивудска машинерија...
|
