По Сенди, скапоцените ангели шетаа во Њујорк



Вчера беше одржана ревијата во вид на скапоцена модна фантазија на „Викторијас сикрет“, која ја обележа градникот од 2,5 милиони долари

Уште незакрепнат од ураганот „Сенди“ и веќе зафатен со нова снежна бура, Њујорк, сепак, не се откажа од традиционалната годишна ревија со ангелите на „Викторијас сикрет“.

Вчера беше одржана ревијата во вид на скапоцена модна фантазија на „Викторијас сикрет“, која ја обележа градникот од 2,5 милиони долари, како и преатрактивната манекенка Адријана Лима, која на пистата се појави само два месеца по породувањето.

Бразилската супермоделка и ангел на „Викторијас сиктер“ - 31-годишната Алесандра Амброзио ја доби честа да го претстави фамозниот „фантази бра“, вреден вртоглави 2,5 милиона долари. Редизајниран секоја година за годишната ревија, „фантази бра“ е прекриен со цвеќе изработено од 5.200 парчиња скапоцени и полускапоцени камења, меѓу кои дури и три вида дијаманти - бел, розов и жолт.

Освен скапоценото парче долна облека, престижната ревија ја одбележа и враќањето на една од најпознатите лица на таа модна куќа. Исто како и Алесандра, и таа доаѓа од Бразил и има 31- година, а се работи за Адријана Лима. Сопругата на српскиот кошаркар Марко Јариќ ја роди ќерката Сиена пред само два месеца, а во средата заблесна во полн сјај и покажа завидна фигура пред очите на љубопитната публика и фотоапаратите.