(ФОТО) Концертот на Масимо набиен со емоции



Вчера во Универзална сала, еден од највпечатливите вокали на овие простори направи двочасовен концерт за паметење

Вчера во Универзална сала еден од највпечатливите вокали на овие простори Масимо Савиќ, придружен од својот бенд составен од Далибор Матошевиќ - гитара, Марко Матошевиќ - тапани, Саша Исмаиловски - клавијатури, Борис Попов -перкашн, Горан Делаќ - бас и Марко Фирст - виолина и акустична гитара, чесно ја „растресе“ публиката во Универзална сала. Глас, движење, понекој збор и многу емоции, и „in live“ го прават овој уметник поинаков од клишеа со што добива на ексклузив��ост, па затоа и ја има додавката „персона грата“ на нашите простори.

Концертот го организираше „Авалон продукција“, а на двочасовна свирка ги слушнавме старите и новите песни на овој уметник - „Круг у житу“, негова омилена композиција од новиот албум „Додирни ме случајно“, „Странац у ноќи“, „Замисли живот“, „Само за твоје очи“..., ја разрешивме дилемата дека „Лоше вино“ во конкуренција на Чолиќ и Бебек, сепак, најдобро звучи во интерпретација на Масимо, дочекавме два биса и полни со нова романтика заклучивме дека некои работи едноставно постојат за да не се сменат. Масимо е еден од нив.