Промовирана тритомна „Историја на црногорската книжевност“

На Филолошкиот факултет „Блаже Конески“, вчера беше промовирано тритомното издание „Историја на црногорската книжевност“ објавено од Институтот за црногорски јазик и книжевност. Славица Велева, деканка на Филолошкиот факултет, потенцира дека чинот на промовирање на oвa значајното издание го гледа како поттик за добра понатамошна соработка меѓу Македонија и Црна Гора, меѓу двата народа, меѓу двете земји и култури на полето на јазикот, литературата и книжевната историја.

Првите два тома ги претстави професорката Виолета Пирузе-Тасевска, раководителка на Катедрата за македонска книжевност и јужнословенски книжевности, а третиот том професорот Науме Радически. За содржината и значењето на изданието говореа и гостите, Аднан Чиргиќ, директор на Институтот за црногорски јазик и книжевност, и уредникот Александар Радоман. Промоцијата ја организираа Институтот за црногорски јазик и книжевност и Заедницата на Црногорците во Македонија. (К.Б.)