08.11.2012, 16:19 Советник од Кисела Вода шверцувал хероин
Томе Димишковски, од ТМОРО-ВЕП, е разрешен од советник и му претстои судење за шверц на 20 килограми хероин
Томе Димишковски, советник во општина Кисела Вода од партијата ТМОРО–ВЕП е разрешен од функцијата, по скандалот што се поврзува со неговото име, поради наводен обид да прокриумчари 20 килограми хероин.
Димишковски, кој освен што беше општински советник ја вршеше и функцијата претседател на Регистрациската комисија на Македонската кошаркарска федерација, а беше и комесар за натрепревари при КСМ, во мај годинава, на аеродромот во Истанбул бил упасен од турската полиција, која во ранец што тој го имал в раце пронашла 20 килограми хероин.
Според досегашните сознанија, апсењето уследило по проверка на ранецот, за кој Димишковски тврдел дека е на неговата внука.
Од општина Кислела Вода и официјално потврдуваат дека на Томе Димишковски му е одзмен советничкиот мандат, но не ги посочуваат причините.
„Ингеренциите на Општината произлегуваат од статутот на Општината. Гледано формално-правно на советникот му престанува мандат согласно членот 31 од статутот на Општината, односно поради неприсуство на три последовалтелни седници. Ова значи дека тој повеќе не е советник и дека неговото место ќе го заземе она лице кое што е следно на листата на партијата која што го предложила за советник“, вели портпаролот на Општината Кисела Вода, Марјан Спасески. (Љ.С.)
|
