(ФОТО) Филхармонијата ќе се всели во новиот објект во 2014 година 

Македонската филхармонија за две години ќе одбележи 70 години од основањето до кога треба да биде готова и новата концертна сала

ФОТО: Киро Попов

Концертната сала на Македонската филхармонија, која е во фаза на изградба, според министерката Елизабета Канческа-Милевска, ќе биде готова идната година кога Филхармонијата ќе одбележува 70 години од основањето. Тогаш и, конечно, оваа национална институција ќе се пресели во новиот објект, од сегашното свое привремено седиште во Домот на АРМ во Скопје.

Според ��иректорката на Македонската филхармонија, Маја Чаначевиќ, изградбата на новиот објект ќе реши едно горливо прашање за институцијата.

„За две недели прославуваме 68 години од основањето на оваа единствена и најзначајна музичка институција во нашата држава, која низ годините остана без сопствен дом. Принудени сме да работиме во салата на Домот на АРМ, судирајќи се со сите тешкотии, во зима е со провев, покривот прокиснува, во лето е премногу топло. Но, сега се' надминуваме полесно знаејќи дека многу скоро ќе си дојдеме дома. Ова за нас веќе е дома“, изјави денеска директорката на Филхармонијата, Маја Чанаќевиќ, пред објектот во изградба, при посетата на министерката за култура Елизабета Канческа-Милевска.

Министерката за култура денеска потсети дека во изминатиот период при изградбата на новиот објект се водела грижа за неговиот акустичен дел, што се смета за многу важен за функционалноста и поврзаноста на двете сали со просториите за вежбање.

„До милиметар се внимава на сите параметри за акустиката. Квалитетот е многу битен зашто тоа е голема концертна сала со две сали, големата е со околу 1.100 седишта, а малата за камерни оркестри има околу 400 седишта. Објектот е доста сложен, се трудиме максимално сето ова да биде завршено во 2014 година, кога Македонската филхармонија има јубилеј што ќе го одбележиме со овој значаен и долго очекуван капитален објект“, рече Канческа-Милевска.

Новиот објект се гради од 25 март 2009 година кога беа и поставени темелите на просторот меѓу Македонската опера и балет и Факултетот за музичка уметност. Идејното решение е на архитектот Виктор Михајлов, а во решавањето на внатрешноста на објектот и во технолошкото моделирање учествува Јорг Кумел, еден од најпознатите акустичари во светот. Освен споменатите две концертни сали, објектот ќе содржи и одделни вежбалници за изведувачи на разни видови инструменти и подземно паркиралиште. Изведувач на работите е австриската компанија „Алпине Бау“. Освен споменатите две концертни сали, објектот ќе содржи и одделни вежбалници за изведувачи на разни видови инструменти и подземно паркиралиште. (К.Р.)