Доминација на Шарапова, Ивановиќ елиминирана

Шарапова пласманот во четврт финалето го обезбеди убедливо совладувајќи ја Кирстен Филпкенс, додека Агњешка Радвањска ја елиминираше Ивановиќ

Марија Шарапова продолжува со одличните игри на Австралија опен, пласманот во четврт финалето го обезбеди откако убедливо ја совлада Кирстен Филпкенс (Белгија) со 2:0 (6-0, 6-1). Русинката во Мелбурн демонстрира моќна игра не само што дуелот со Белгијката го заврши за 75 минути, туку до сегашните четири на противничките им дозволи да земат само пет гема од кои четири ги загуби против Американката Венус Вилијамс.

Во наредната рудна Шарапова за противник ќе ја има својата сонародничка Екатерина Макарова. „Пресреќна сум од начинот на кој што го играм турнирот. Се надевам дека во исто темпо ќе продолжам и понатаму“, рече Русинката.

Во четврт финалето ќе ја гледаме и Агњешка Радвањска која што ја елиминираше српската тенисерка Ана Ивановиќ со 2:0 (6-4, 6-2). Кинеската На Ли продолжува со победите, откако ја доби Германката Гергес со 2:0 (7-6, 6-1) во следната рудна ќе се пресмета со Радвањска.

Во машкиот турнир во четврт финалето силите ќе ги одмерат Шпанците Давид Ферер и Никола Алмагро.

Алмагро во осмина финалето за противник го имаше Јанко Типсаревиќ, дуелот не се доигра бидејќи Србинот поради повреда мораше го предаде мечот при водство на Шпанецот (6-2, 5-1).

„Николас одигра одличен тенис, силно ја удираше топката на двете страни на теренот. Се чувствував сјајно, не бев уморен од претходните мечеви. Не можам да бидам нервозен бидејќи турнирот го завршив пред време, се уште се немам видено со лекарот, не знам точно за што станува збор“, рече Типсаревиќ.

Алмагро до сега нема остварено победа против Ферер, но најавува дека ова може да биде одлична можност да го стори тоа.

„Се обидував да се фокусиран на мојот меч и мојот тенис. Мислам дека првиот сет го одиграв добро. Ферер до сега го немам победено, но ова може да биде првпат. Ќе биде голема борба, се познаваме добро. Ова е вистинска шанса да дојдам до полуфиналето“.

Во четврт финалето нема да го гледаме Дел Потро кој загуби од Французинот Шарди со 3:2.

Од фаворитите на Австралија опен во осмина финалето победи уште обезбедија Федерер, Мари и Цонга.