Продолжува победничката низа на Клиперси

Тимот од Лос Анџелес го запиша четвртиот триумф во серија откако на домашен терен го совлада Вашингтон со 94:87

По изненадувањето во Денвер кошаркарите на Вашингтон се надеваа на уште една сензација, но во Лос Анџелес наидоа на пресилните Килперси кои што мечот го добија со 94:87. За Блејк Грифин и неговите соиграчи ова беше четврта победа во серија за остварување на скор од 19-4 пред трите тешки гостувања против Мемфис, Хјустон и Минеоста.

Визардси беа рамноправен противник во текот на првото полувреме, има негатива само од два поени (52:50). Со храбрата игра продолжија и во третата четвртина, но кога се надеваа дека можат да дојдат до нова сензација, домашниот состав даде до знаење дека победата останува во Лос Анџелес.

Крис Пол со 22 поени и 11 асистенции беше најефикасен во победничкиот табор, Блејк Грифин застана на 17 поени и 11 скока.

Кај гостите Џон Вол со 24 поени, шест асистенции беше прво име на теренот.

Екипата на Минеоста со помош на домашната публика му го нанесе седмиот пораз во низа на Хјустон (92:79). Рокетси во средината на третата четвртина со серија од 10-2 дојдоа на минус четири поени (63:59), по што работите во свои раце ги превзема Џонсон кој врза осум поени во серија и на Минесота и ја донесе клучната предност од 71:62.

Без услугите на Кевин Лав и Никола Пековиќ, главната улога ја имаше Андреј Кириленко со 21 поен и 11 скока, а добра игра прикажа бившиот играч на Цедевита и Валенсија Микел Желабал со 11 поени.

Откако Сан Антонио против Визарди дојдоа до 14 победа на домашен терен одлично се снајдоа и на гостувањето кај Атланта. Ослабени за Тим Данкан и Ману Џинобили избраниците на искусниот стратег Грег Попович на гостувањето кај Хоукси дојдоа до триумф од 98:93 за скор од 32-11.

Во отсуство на еден од двајцата најдобри кошаркари Тони Паркер ја превзема целата одговорност, постигна 23 поени од кои десет во последната четвртина. На својот одличен учинок францускиот плејмејкер додаде 12 асистенции. Покрај него Мет Бонер реализираше 17 поени, а Тијаго Сплитер и Кахи Леонард постигнаа по 14 поени.

Резултати: Шарлот - Сакраменто 93:97, Атланта - Сан Антонио 93:98, Њу Орлеанс - Голден Стејт 112:116, Чикаго - Мемфис 82:85 (прод), Минесота - Хјустон 92:79, Јута - Кливленд 109:98, Портланд - Милвоки 104:110, Лос Анџелес Клиперс - Вашингтон 94:87.