Ѓоковиќ дојде до 19. триумф по ред во Мелбурн

Светскиот тенисер број еден и Шпанецот Ферер се првите полуфиналисти, откако ги совладаа Томаш Бердхид, односно Николас Алмагро

Новак Ѓоковиќ засега е на одличен пат за да дојде до посакуваното финале на Австралија опен и да ја одбрани титулата. По тешкиот меч против Станислав Вавринка, Србинот имаше многу полесна задача во дуелот со Томаш Бердих во борбата за полуфинале. Светскиот тенисер број еден го совлада Чехот со 3:1 (6-1, 4-6, 6-1, 6-4) и дојде до 19. триумф по ред во Мелбурн.

Откако Ѓоковиќ лесно го доби првиот сет (6-1), во вториот Бердих заигра близу до границата на своите можности, заврши одлична работа и израмни на 1:1, но тука и застана. Не успеа да најде решение за одличната игра на Ѓоковиќ, кој по два и пол часа дојде до триумфот вреден полуфинале.

„Беше одлична претстава, се надевам дека овој пат ќе имам полесна задача отколку во минатото коло и дека ќе избегнам да играм пет часа. Секогаш е тешко да се игра против Томаш, тој е еден од најдобрите десет играчи со најдобар сервис, но на овој меч одиграв најдобро и заслужено победив“, изјави Новак Ѓоковиќ.

Во полуфиналето бранителот на титулата ќе се сретне со Давид Ферер, кој во четврт-финалето го совлада својот сонародник Николас Алмагро со 3:2 (4-6, 4-6, 7-5 7-6, 6-2). Во Мелбурн се водеше голема борба помеѓу двата шпански тенисери, Алмагро 13. пат беше совладан од Ферер во исто толку одиграни дуели. Овој пат поразот сигурно му падна многу тешко бидејќи не стигна до полуфиналето и покрај тоа што првите два сета завршија во негова корист, во продолжение на својот сонародник му дозволи да направи голем пресврт.

„Ова беше навистина чудно, Николас имаше многу шанси за победата во овој меч, но јас се борев за секој поен. Тоа е мојата игра, знам дека противникот станува нервозен на големите поени, ова не секој тенисер му се случува“, коментираше Ферер.

Втората полуфинална двојка на Австралија опен ќе биде позната денеска, четвртото коло во Мелбурн ќе го затворат Цонга - Федерер и Шарди - Мари.

Во женска конкуренција продолжува доминацијата на Марија Шарапова. Руската тенисерка во четврт-финалето без проблем ја совлада својата сонародничка Макарова со 2:0 (6-2, 6-2). Покрај Шарапова со одличните резултати продолжува Кинеската На Ли, беше подобра од Радванска со 2:0. Овие два дуели го дадоа првиот полуфинален дуел во Мелбрун, со оглед на доминацијата на Шарапова и Ли Ни во досегашниот дел од натпреварување би требало да приредат доста неизвесен и квалитетен дуел.