Петгодишна Американка казнета поради „терористички закани“

Дека во САД тероризмот многу сериозно се сфаќа не е посебна тајна, особено по пукањето во училиштата. Меѓутоа, случајот на една градинка во Пенсилванија покажува дека ситуацијата понекогаш знае да ја надмине контролата и заради стравот од насилство понекогаш страдаат и недолжните петогодишници.

Поточно, едно од петгодишните девојчиња е обвинето за „терористички закани“ откако возрасна личност слушнала како зборува дека ќе „застрела“ една од нејзините колешки. На крајот се утврдило дека закана немало, затоа што се работи за розов пластичен „Хело кити“ пиштол кој испалува балони од сапуница.

Нејзиниот адвокат, Робин Фицкер, тврди дека станува збор за безопасна детска играчка, но така не мисли управата на градинката која девојчето прво го испр��шале без присуство на родителите, а потоа и ја суспенидрале заради „терористички закани“ и одлучила детето да не се враќа во градинка се додека не помине психијатриската проценка.

Мајката на девојчето се обидела детето да го префрли во друга градинка, но не успеала затоа што во нејзиното досие се наоѓа случајот „терористички закани“ која управата подоцна најверојатно сфаќајки го апсурдот го формулирала како „закани дека може да се наштети на друг ученик“, но тоа посебно не ја менува ситуацијата.

Многу ја критикуваа оваа одлука, нарекуквајќи ја непотребна, а некои додаваат и дека станува збор за лицермерие, затоа што да им се дава на децата детски играчки кои особено не смеат да си играат, дава збунувачка порака.