(ФОТО) Опозицијата блокираше три крстосници во Скопје



ФОТО: Киро Попов

Опозицискиот „Сојуз за иднината“ денеска ги блокираше крстосниците на „Партизанска“ пред Симпо, мостот „Гоце Делчев“ кај Владата и пред Тутунски комбинат“ кај „Стара рампа“.

- Свесни сме дека блокадите можат да предизвикаат непријатности и нервоза, но апелираме до граѓаните да имаат трпение и да се приклучат на овие блокади, изјави денеска Горан Мисовски од НСДП.

Тој најави дека блокадите на крстосниците ќе продолжи и оти отпорот од ден на ден се повеќе ќе се засилува се додека власта не се прифати дека единствен излез се фер и демократски предвремени парламентарни избори.

Вечерва, како што најави Мисовски, караванот на отпорот се сели во Куманово, каде што во 18 часот започнува маршот по улиците на градот, кој ќе заврши со граѓан��ки парламент.