21.01.2013, 12:39 ВМРО-ДПМНЕ утврди уште осум кандидати за градоначалници
ВМРО-ДПМНЕ ги утврди кандидатите за градоначалници на престојните локални избори во уште осум општини. Шест од нив се актуелни градоначалници, а еден е претсетадел на партискиот Општински комитет. Меѓу кандидатите е и еден приватен стопанственик.
За општините Македонска Каменица, Пробиштип, Кратово, Гевгелија, Маврово и Ростуше и Росоман се предложени сегашните градоначалници Дарко Митевски, Тони Тоневски, Мите Андоновски, Иван Франгов, Мукрем Мехмеди и Стојанчо Лазов.
За општина Вевчани кандидат е Цветомир Угриновски, приватен стопанственик, додека за општина Гостивар Сашо Аќимоски, претсетадел на ОК на ВМРО-ДПМНЕ.
При изборот на кандидатите, како што соопшти патртијата, е земена предвид програмата што им ја нудат на граѓаните, а која е во насока на подоб��ување и унапредување на стопанскиот и инфраструктурниот развој на општините. Вредносен критериум е личниот кредибилитет и досегашниот придонес за општината за која се кандидира
|
