16.01.2013, 18:01 „Оне“ најдобро комуницира со своите фанови на „Фејсбук“
Телекомуникацискиот оператор „Оне“ доби награда за социјално посветена компанија од светски најпознатиот сервис за фејсбук-аналитика, „Соушлбејкерс“.
Како што соопшти компанијата, наградата е доделена врз основа на податоците кои овој сервис ги обработил за третиот квартал од 2012 година.
Платформата за анализа на социјалните медиуми им овозможува на брендовите низ светот да го мерат успехот од нивните кампањи на социјалните медиуми, но и да го споредуваат со нивните конкуренти.
Наградата на „Оне“ се доделува за исклучителен перформанс во делот „комуникација со корисници” на фан-страницата на компанијата на „Фејсбук“. „Оне“ во третиот квартал од минатата година одговорил на повеќе од 90 отсто од сите поставени прашања, коментари и објави. Најголем процент од прашањата, дури 45 проценти, се одговорени во првите 10 минути.
„Тимот кој работи на социјалните медиуми, сме исклучително го��ди на оваа награда, дополнително и поради фактот што ’Оне‘ е единствениот локален бизнис-субјект кој го добива ова престижно признание. Социјалните медиуми одамна веќе не се ’нови медиуми‘. Тие се нужна потреба и најдобриот начин за транспарентна и интерактивна комуникација со корисниците“, вели генералниот извршен директор на компанијата, Цирил Кафол. (Ек.Р.) |
