Иванов посакува средба со Плевнелиев

Македонија е подготвена да разговара секогаш и за секое прашање кое соседна Бугарија го смета за отворено, изјави денеска претседателот Ѓорге Иванов по посетата на Министерството за надворешни работи.  

Според него, ние сме покажувале позитивен однос кон сите наши соседи. Тој очекува за секое прашање кое не придонесува за добрососедските односи да се разговара. Иванов вели дека медиумите не биле место преку кое ќе се пренесуваат пораки и ќе се даваат предлози. Тој изрази подготвеност за билатерална средба со неговиот бугарски колега. „Јас сум подготвен во секој момент со бугарскиот претседател Плевнелиев да разговараме за сите прашања што сметаат дека се отворени и дека ние не придонесуваме кон нивно разрешување“, порача шефот на државата Ѓорге Иванов.

Тој очекува очекува динамизирање на разговорите за името, откако медијаторот Метју Нимиц ги викна на нова средба македонскиот и грчкиот преговарач.

Јанкулоска се сретна со бугарскиот колега

Соработката меѓу министерствата за внатрешни работи на Македонија и Бугарија на сите нивоа е исклучително добра, оценија македонската министерка Гордана Јанкулоска и нејзиниот бугарски колега Цветан Цветанов на билатерната средба што се одржа во Даблин.

На средбата одржана синоќа на маргините на неформалниот состанок на министрите за внатрешни работи и за правда на земјите членки и кандидати за членство на ЕУ, двајцата министри изразиле подготвеност за натамошно продлабочување и интензивирање на соработката. (Н.Р.)