18.01.2013, 09:37 Претседателот Иванов во посета на МНР
Претседателот Ѓорге Иванов денеска ќе го посети Министерството за надворешни работи каде ќе оствари работна средба со министерот Никола Попоски и со политичките директори во министерството.
На средбата претседателот Иванов ќе биде информиран за текот на подготовките поврзани со претседавањето на Република Македонија со двете регионални иницијативи - Процесот за соработка во Југоисточна Европа и форумот посветен на Дијалогот на цивилизациите, како и за подготовките за претстојните самити, чиј домаќин ќе биде Македонија.
Ова е трета посета на претседателот Иванов на Министерството за надворешни работи што се реализира најмалку еднаш годишно. |
