(ФОТО) Голем пожар во Македoнскa поштa



Првично, нема повредени во пожарот. Вработените и директорот Рафиз Алити веднаш биле евакуирани од зградата

ФОТО: Киро Попов

Голем пожар денеска ја зафати главната зграда на Македонскa поштa во центарот на Скопје. Пламените јазици, според првичните информации најпрво го зафатиле третиот кат на зградата, а потоа продолжиле мославично да се шират низ останатите делови на објектот. Пожарот избувна околу 16.20 минути, а беше локализиран околу 18 часот. За среќа повредени нема, иако зградата била преполна со вработени лица во моментот кога огнените јазици почнале да се шират. На своето работно место бил и директорот Рафиз Алити, кој веднаш побарал да се евакуираат сите вработен�� од зградата. Според првичните претпоставки, пожарот можно е да настанал од неисправна инсталација.

Големиот оган кој денеска попладне се извишуваше над зградата на Македонски пошти и густиот чад ги вознемири скопјани. Бројни противпожарни и полициски возила до вечерните часови останаа во близина на зградата, со цел да се спречи огнот повторно да пламне и да се прошири на околните објекти.

Од пожарот најмногу е зафатен покривот на поштата. Очевидци тврдат дека пред избувнувањето на пожарот слушнале силна експлозија.

Двајца вработени кои биле до последен момент во зградата се успешно извлечени. Директорот на Македонски пошти Рафиз Алити вели дека во моментот на избувнување на пожарот бил во својот кабинет. Кога го информирале вработените за пожарот, на сите кои останале во зградата и 16 часот, им кажал да ги напуштат работните места.

„Нема повредени во пожарот. Двајца вработени од кои едниот добро ја познава зградата решил да излезе низ ходниците кога веќе биле полни со чад, Тој успеал да излезе од зградата без поголеми проблеми. Другата вработена била на третиот кат и беше извлечена низ прозорецот со скали“, вели Алити.

Причините за пожарот дополнително ќе се утврдуваат.

„На терен излегоа сите противпожарни возила. Отежнат беше пристапот да се влезе внатре во зградата. Таму помогнаа и две возила на ЈП Комунална хигиена, а пожарот го гаснеа и цистерни на ЈП Водовод и канализација“, рече скопскиот градоначалник Коце Трајановски.