Арифи и Бејта и официјално кандидати за градоначалници на ДУИ



Гојко Ефтоски

Тетово - Централниот одбор, како највисок орган на ДУИ, доцна попладнето ја прифати листата на кандидати на оваа партија за 16 општини, чија кандидатура претходно ја утврди централното претседателство. Според портпаролот Бујар Османи, во наредниот период, а најдоцна до крајот на јануари, ДУИ ќе утврди кандидати за уште две општини, не прецизирајќи кои се тие. Османи не го спомена ниту градот Скопје, каде на претходни локални избори имаше кандидати. Портпаролот на ДУИ и со дообјаснување дека до крајот на месецот ќе бидат утврдени и листите на кандидати за членови на совети во сите 16 општини. "Во општините со помал број албанско население, како што се Битола, Охрид, Ресен, Крушево и други, понудивме на другите партии на албанците - ДПА, НДП и НД да настапиме со единствена листа на кандидати. За жал, ДПА го одби предлогот. Од тие причини ќе одиме со посебни листи, за кои кандидатите допрва ќе се утврдуваат", рече Османи. Според него, централното претседателство и претседателот биле овластени за претстојните локални избори да можат да склучуваат договори за коалиции со одделни партии.

На новинарско прашање дали со евентуалниот избор на двајца кандидати за градоначалници ќе значи и избор на нови луѓе на Владата, а тоа подразбира и реконструкција, портпаролот рече дека тоа прашање не било разгледувано, а дека за местата на Теута Арифи и Невзат Бејта дополнително би се утврдувало. Османи не потврди дека лидерот Али Ахмети би свикал лидерска средба, но рече дека лидерот на ДУИ го повикал СДСМ да биде дел од изборите и да се врати во Собранието.

Бујар Османи рече дека централното собрание едногласно ја прифатило листата на кандидати на ДУИ за градоначалници во 16 општини и тоа:

- Тетово - Теута Арифи;

- Гостивар - Невзат Бејта;

- Кичево - Фатмир Дехари;

- Чаир - Изет Меџити;

- Струга - Арбен Лабаништа;

- Дебар - Ружди Љата;

- Сарај - Беким Мурати;

- Желино - Фатмир Изаири;

- Студеничане - Фати Исени;

- Боговиње - Хазби Идризи;

- Брвеница - Енвер Пајазити;

- Врапчиште - Бајрам Кадрија;

- Пласница - Исмаил Јахоски;

- Теарце - Исен Асани;