|
29.08.2012, 13:51 Дејан Лилиќ: Не очекувам награди
Актерот на средба со министерката за култура Елизабета Канческа - Милевска и рускиот амбасадор Олег Шчербак пред неговото заминување во Венеција.
„Не очекувам награди. Со самото тоа што сме во официјална конкуренција на Венецискиот фестивал ние имаме голем успех. Мислам дека направивме добар арт филм. Премиерата на филмот наскоро ќе се одржи во Москва. Работата на филм, па и во театар никогаш не знаете до крај каква е, додека публиката не ви даде некаква реакција“, изјави македонскиот актер Дејан Лилиќ на денешната средба во Министерството за култура, пред самото заминување во Венеција.
Дејан Лилиќ ја игра главната улога во руската драма „Предавство“ на Кирил Сребреников, која влезе меѓу 18 филма кои годинава се натпреваруваат за престижниот „Златен лав“ на 69. Венециски фестивал (29 август до 8 септември). Покрај Дејан Лилиќ, во филмот играат и Франциска Петри и Албаина Џабанаева. По тој повод во Министерството за култура беше и рускиот амбасадор во Македонија, Олег Шчербак, кој истакна дека во Русија многу ја почитуваат македонската уметничка школа. „Сакаме да ги унапредиме односите со Македонија и уверен сум дека нашата соработка во сферата на културата ќе продолжи“, додаде амбасадорот Шчербак.
Премиерата на филмот „Предавство“ во рамките на официјалната програма на годинешната Мостра ќе се одржи денеска, а Лилиќ истакна дека во Венеција ќе ја промовира Македонија, Македонскиот народен театар, но и соработката со Руската федерација. (С.У.)
|
|
|
|
Статијата е прочитана 760 пати.
|
Испрати коментар
|
|
| mene, 29.08.2012 15:29:11 | | Samo pofalbi za Lilic,dobar glumec, super uspeh, cestitki |
| | Alek, 29.08.2012 15:49:36 | | Toa sme nie nikogas ne ocekuvame nisto bez predizvici. Onaka samo kolku da se ucestvuva isto kako na olimpijadata |
| | Ana, 29.08.2012 22:33:37 | | Cestitki za izvonredniot Lilic,koj i sred London maestralno go odigra Hamlet.Mu posakuvam od se srce i nagrada vo Venecija,zosto ja zasluzuva,a voedno toa ke bide uste eden dokaz za vrednosta na makedonskata akterska skola. |
|
|
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИE
 |
|
|
|
|
Време
|
Скопје, 18°C
Ведро
|
Четврток
Ведро
Макс: 33°C, Мин: 13°C
|
Петок
Сончево
Макс: 35°C, Мин: 16°C
|
|
|
|
|
|
|
| Ако Кина пропадне?! На крајот и Кина почнува да „шлајфува“ - балонот во сферата на недвижностите почнува да напукнува, извозот се намалува, ... |  |
|
