Шпанскиот Супер куп за Реал Мадрид

„Кралскиот клуб“ го освои Супер купот откако синоќа во реваншот пред своите навивачи ја победи Барселона со 2:1

Екипата на Реал Мадрид, актуелниот шампион на Шпанија го освои Супер купот во оваа земја, откако синоќа во реваншот пред своите навивачи ја победи Барселона со 2:1 и со вкупен резултат 4:4 дојде до првиот трофеј сезонава.

„Кралскиот клуб“ е победник благодарение на повеќе дадени голови во гости. На првиот дуел кога домаќин беше Барселона резултoт беше 3:2 за Каталонците.

Головите за Реал ги постигнаа: Гонзало Игуаин во 11. минута и Кристијано Роналдо во 19. минута. а Барселона преку Лионел Меси во 45. минута успеа да намали на 2:1 што беше и конечен резултат.

Поради црвениот картон на Адриано во 28. минута гостите до крајот играа со десет играчи.