27.08.2012, 12:17 Модриќ во Реал Мадрид за 33 милиони фунти
Хрватот потпиша петгодишен договор со „кралскиот клуб“, а Тотенхем веќе се насочи кон пронаоѓање соодветна замена за него
Лука Модриќ е последното засилување за Реал Мадрид, кој по долгите преговори со Тотенхем конечно успеа да ги убеди Спарси да се откажат од нивниот најдобар играч.
Сумата од 33 милиони фунти е своевиден пораз за првиот човек на Тотенхем Даниел Леви, кој до пред некој ден инсистираше дека нема да го продаде Хрватот за помалку од 40 милиони фунти.
Модриќ (26 години) со „кралскиот клуб“ потпиша петгодишен договор, а Тотенхем веќе се насочи кон пронаоѓање соодветна замена за него. Се чини дека најблиску до пополнување на празнината во офанзивниот ред за врска на клубот од „Вајт Харт Лејн“ е Бразилецот Вилијан од украински Шахтјор, откако стана јасно дека нема да има ништо од желбата на Вилас-Боаш да го доведе својот сонародник Жоао Мутињо од Порто.
|
