Наполи убедлив на стартот од Серија А

Со убедлива победа од 3:0 екипата на Наполи на гостувањето кај Палермо ја почна новата сезона во Серија А

Екипата на Наполи со победа од 3:0 на гостувањето кај Палермо ја почна новата сезона во Серија А. Поради црвениот картон во Супер купот и суспензијата од два натпревара македонскиот репрезентативец Горан Пандев не играше на овој меч.

Головите за Наполи ги постигнаа Марек Хамшик, Кристијано Маџо и Едисон Кавани.

На другите натпревари одиграни синоќа беа постигнати следниве резултати: Рома – Катанија 2:2, Аталанта – Лацио 0:1, Џенова – Каљари 2:0, Пескара – Интер 0:3, Сиена – Торино 0:0, Киево – Болоња 2:0 и Милан – Сампдорија 0:1.

Во саботата Јувентус ја победи Парма со 2:0, а Фиорентина – Удинезе со 2:1.