30.08.2012, 15:53 Каранфилов 22. со воздушен пиштол од 10 м
Освојувачот на сребрениот медал на ПОИ 2004 во Атина забележа 553 круга со погодоците од 89, 92, 94, 93, 93 и 92 во шесте серии
Ванчо Каранфилов го освои 22. место меѓу 31 натпреварувач во стрелање со воздушен пиштол од оддалеченост од 10 метри на Параолимписките игри во Лондон. Освојувачот на сребрениот медал на ПОИ 2004 во Атина забележа 553 круга со погодоците од 89, 92, 94, 93, 93 и 92 во шесте серии. Последниот што се пласира во финалето, во кое има место за најдобрите осуммина во квалификациите, светскиот рекордер Валериј Пономаренко од Русија, оствари 563 круга.
Следниот настап на Каранфилов е на 3 септември во дисциплината спортски пиштол од 25 м слободен избор. Утре, пак, на стрелиштето треба да се појави и Оливера Наковска-Бикова, која ќе учествува во квалификациите во воздушен пиштол од 10 м. (Р.Д.)
|
