Превирања во подмладокот на СДСМ

Група млади предводени од поранешниот генерален секретар на младината на СДСМ, Михаил Младеновски, во сабота протестираа пред седиштето на СДСМ. „Да за демократија, не за насилство!“ беше мотото на протестот на невладината „Младинска организација за демократска иднина“.

Младеновски обвини дека зад инцидентот кај Машинскиот факултет пред два дена, каде тој бил нападнат, стоеле социјалдемократите.

Претседателот на подмладокот на опозициската СДСМ, Дарко Давитковски, го обвини својот сопартиец од редовите на СДММ, Михаил Младеновски, кој бара реформи во партијата, дека е „алатка во негативните кампањи против опозицијата“, за што ја обвини владејачката ВМРО-ДПМНЕ.

Давитковски презентираше фотографија на која Младеновски е во друштво „со функционери на ВМРО-ДПМНЕ“, заедно со синот на директорот на УДБК.