Димас: решението за спорот е кај Груевски

Потпретседателот на Нова демократија за прашањето за името на Македонија

Сакаме да ја видиме соседната земја како се движи кон Европската унија и НАТО, изјави потпретседателот на Нова демократија Ставрос Димас во интервју за „Катимерини“.

Во врска со грчко-македонскиот спор за името на Македонија, Димас рече дека грчката страна е подготвена и го проддржува преговарачкиот процес под покровителство на Обединетите нации.

- Во рацете на господинот Груевски е брзо да најде решение. Наместо да бара или да прави изговори за да ја обвинува Грција, подобро е да се фокусира на преговорите за да се постигне решение кое ќе биде од полза за двете страни, изјави Димас.