Оклахома поведе во финалето на НБА лигата

„Громовите“ пред своите навивачи го совладаа Мајами Хит со 105:94

Кошаркарите на Оклахома Сити ноќеска постигнаа победа во првиот финален натпревар од НБА лигата, откако пред своите навивачи го совладаа Мајами Хит со 105:94 (22:29; 25:25; 27:19 и 31:21).

Натпреварот беше решен во второто полувреме кое домашните го добија со 58:40.

Кевин Дјурант и Расел Вестбрук беа предводници во победата на „громовите“. Дјурант постигна 36 поени, а Вестбрук 26 поени и 11 асистенции.

Кај Мајами единствен расположен беше Леброн Џејмс, кој реализираше 30 поени.

Финалната серија прв до четири победи продолжува в четврток навечер со натпреварот број 2, а домаќин е повторно Оклахома Сити.